Back Paus Fransiskus ACE Franziskus (Papst) ALS ፓፓ ፍራንሲስኮስ Amharic Francisco (papa) AN البابا فرنسيس Arabic فرانسيسكو الاولانى ARZ Papa Franciscu AST Francisku Aymara Fransisk Azerbaijani پاپ فرانسیس AZB

Pous Franciskus

Pous Franciskus
Geboortenaam Jorge Mario Bergoglio
Pontifikaat begin 13 Maart 2013
Pontifikaat eindig
Voorganger Benedictus XVI
Gebore 17 Desember 1936 (1936-12-17)
Buenos Aires, Argentinië

Pous Franciskus (Latyn: Franciscus PP. [franˈtʃiskus], Italiaans: Francesco [franˈtʃesko], Spaans: Francisco; gebore op 17 Desember 1936 in Buenos Aires, Argentinië, as Jorge Mario Bergoglio[1]) is die 266ste en huidige pous van die Rooms-Katolieke Kerk, biskop van Rome en staatshoof van die Vatikaanstad.[2] Hy is op 13 Maart 2013 verkies tydens die konklawe wat gehou is ná die aftrede van Pous Benedictus XVI. Tot sy verkiesing het Jorge Mario Bergoglio as aartsbiskop en kardinaal-priester van Buenos Aires gedien.[3] Die naam ‘Franciskus’ beteken 'die vrye'.

Kardinaal Jorge Bergoglio in 2008

Franciskus is as Argentyn die eerste Latyns-Amerikaner en Jesuïet wat as hoof van die Rooms-Katolieke Kerk verkies is. Hy is ook die eerste pous vanuit die Amerikas, die Nuwe Wêreld en die Suidelike Halfrond. Die vorige pous wat van 'n nie-Europese afkoms was, was die Siriër pous Gregorius III wat vanaf 731 tot 741 gedien het. Franciskus het homself na Franciskus van Assisi, die "heilige van die armes", genoem,[4] en sy slagspreuk is Miserando atque eligendo ("Hy [God] het hom deur die oë van barmhartigheid gesien en gekies").[5] Hy is op 19 Maart 2013 ingehuldig.[6]

Jorge Mario Bergoglio is van Italiaanse afkoms en praat Italiaans, Spaans, Duits en Latyn.[7] Hy het ook kennis van Engels, Frans en vermoedelik van Portugees.[8]

  1. ↑ Spaanse uitspraak [ˈxo̞rxe ˈmaɾjo β̞e̞rˈɣ̞oɣ̞ljo̞] en Italiaanse uitspraak [bɛrˈgɔʎːo]
  2. ↑ (en) vatican.va: Habemus Papam Franciscum
  3. ↑ (en) catholic-hierarchy.org: Pope Francis – Jorge Mario Bergoglio, S.J.
  4. ↑ (en) vatican.va: Audience to Represantives of the Communications Media – Address of the Holy Father Pope Francis
  5. ↑ (en) Scarsbrick, Veronica. "Pope Francis : "Miserando atque eligendo"..." Vatikaanse radio. Geargiveer vanaf die oorspronklike op 18 Oktober 2017. Besoek op 6 Desember 2013.
  6. ↑ (en) vatican.va: Homily of the Holy Father Pope Francis
  7. ↑ (de) de.radiovaticana.va: Kardinal Lehmann: Humorvolle Gesten von Papst Franziskus
  8. ↑ (it) news.va: Briefing di padre Lombardi Geargiveer 18 Oktober 2017 op Wayback Machine

Developed by StudentB